Jo二郎（1930円）

HKD98 with service charge

今日開始應該唔會再對拉麵評分了
呢兩年開始學習去欣賞拉麵
慢慢發現對於拉麵的味道真係好個人
每個人食拉麵嘅原因唔同
可能係興趣、滿足感、填飽肚又或者快食一餐
係今時今日咁多唔同拉麵派系嘅情況下
好似唔適用將佢哋放喺同一條尺上面比較
之後會更加注重喺我食呢碗拉麵嘅個人感受


其實食一碗拉麵 對於成個體驗好唔好
其實好多因素
先不論食客喺資訊上對鋪頭建立嘅前切
食物 環境 服務 配套 員工 都會影響體驗
當然食物先係對於成個體驗最重要嘅一環
但如果一入到舖頭就係咁聽到大陸員工屌客
對於呢間舖頭嘅觀感係有固然嘅影響
（仲要唔細聲，仲要只不過係個客想揀位坐）

好坦白講自己對拉麵嘅認識好少
二郎系嘅拉麵更加係好少食
對於二郎系拉麵嘅認知就係 （以下唔知啱唔啱）
由東京嘅拉麵二郎帶起嘅熱潮
主打係好濃嘅醬油 重蒜重口味 好多蔥好多肉
而香港就好似曾經紅遍一時
金所前身？混亂拉麵？嗰陣我都未食過
然後印象中就喺西九龍中心food court曾經印象食過一個好似叫二郎拉麵嘅物體 當然談不上正宗
然後又喺東京食過一間叫叫萬馬軒
唔知算唔算係二郎系 又係食到超飽
又係好重口味 好多蒜嘅拉麵
呢個就係我對二朗系拉麵嘅認知

終於講返個麵
首先個人會覺得蒜同油嘅份量可以再誇張啲
（唔記得咗有免費增量）
我唔清楚芽菜需唔需要特別調味
感覺芽菜夠爽 但係味道就比較缺乏
至於叉燒用上咗圓形偏厚嘅叉燒
同Menu上面嘅方形叉燒就有啲出入
不過大塊左又冇蝕底嘅
但叉燒就真係有啲凍得滯
浸咗陣熱湯嘅叉燒 仍然食得出係偏凍
我比較少食咁厚身嘅麵條 感覺唔差嘅
有咬口夠煙韌 亦都掛上咗背脂嘅油膩
總括而言，我都會覺得碗麵OK啦
叫做俾咗我二郎系拉麵係咩認知
但係加埋一98蚊
仲要全程都係得滾水可以飲
就好似唔係太值得再去