博多屋台拉麵（1678円）

HKD 83
係經典嘅港式拉麵風味
唔講何謂博多屋台拉麵同長濱拉麵嘅關係
因為呢個拉麵根本同博多就完全冇關係
係最純正最有回憶嘅廿年前港式拉麵

橫綱拉麵已經營業接近40個年頭
見到唔少人評論呢間拉麵退步味道變咗
我喺度諗味道變咗嘅究竟係呢間拉麵
定係食客嘅味道變咗？
記得小學中學時代10碗拉麵有9碗都係咁嘅味道
不外乎都係有啲豬骨湯底 再有啲好似豆奶嘅味
就算一開始嘅味千
甚至去到後期拉麵興起嘅博多別天神
湯底嘅味道都有異曲同工之妙 一食就知係港式
至於點解香港人會覺得難食 我認為係大勢
香港拉麵款式日新月異 由豚骨湯底熱潮
去到依家嘅淡麗系、雞白湯、背脂、
重層配料熬製而成嘅湯底嘅出現
我哋可以揀嘅口味越來越多
而呢一種舊式嘅港式拉麵已經失去立足之地
坦白講，呢個年頭仲可以將呢種拉麵定$83
同價而又更貼近日本口味嘅大不勝數
如果呢一類嘅拉麵店繼續用呢種心態去經營
只會俾現代嘅拉麵洪流淹沒

再加上日本唔同嘅食品製造商都推出咗
通常係二人前嘅即食拉麵 （煮兩三分鐘就食得）
特別係佐賀牌出嘅拉麵 我成日都自己煮嚟食
老實講，嗰隻拉麵只要落晒成包粉 再用大火煮麵
自己加少少配料 已經勝過香港九成嘅港式拉麵
真係自己煮都好食啲 咁嘅情況下
港式拉麵點贏？


最後快講一下呢碗拉麵
湯 港式味精、硬過Dr Martin嘅鞋叉燒
伊麵王級數拉麵、唔知點解有酸菜
木耳食食吓有一舊勁硬 差啲牙都崩
完