極之 真牡蠣醬油拉麵（1980円）

HKD 99

估唔到一星期內會食兩次蠔系嘅拉麵
而且仲要同樣係長沙灣區
亦都正因為係咁個反差就更加大

或者先從好嘅地方講咗先
一百蚊港紙樓下嘅蠔拉麵我諗呢間都算係唯一
呢間嘅肉量叫足夠
而且湯嘅蠔味食落濃郁過海老名蠔拉麵
（不過都唔代表佢贏）

雖然配料充足
但麵嘅份量略少 而湯嘅質素可稱得上令我嘩然
我點嘅係蠔醬油湯 雖然蠔味濃
但喺呢碗湯我連丁點醬油都食唔到
一上嚟係一個偏黃奶白色嘅濃稠濃底
食落係鯛魚味 雖然仍有濃濃蠔味
但好明顯佢地係比咗自己另一隻拉麵嘅湯底比我
我即刻上網去搵佢哋呢碗蠔醬油拉麵嘅食評
發現有啲係有醬油湯底 而有啲就好似我嗰碗咁
令我不禁懷疑佢哋某啲情況下係咪會用鯛白湯
代替醬油湯 鯛魚湯感覺更加似係屋企煲魚湯
而且 呢個湯底越飲就越鹹 食完喉嚨幾渴
飲咗啖水浪口更加發現湯底有揮之不去嘅腥味
坦白講對呢個湯幾失望

蠔嘅質素可以喺圖中賣相可見到
肉少
只能達到海老名蠔拉麵湯底入面嘅蠔碎嘅質素
慢煮叉燒每塊都有幾滴血水
雖然食完冇事 但感覺不太討好
荀就似乎過硬而味太濃 出現少許荀臭咪

雖然呢碗蠔拉麵價錢不貴
但都覺得實在唔太好食
寧願比多少少食海老名食蠔量大滿足嘅拉麵