好味醬油拉麵（1980円）

HKD 96

第一次嚟神虎食 冇點到招牌神虎拉麵
反而比大角咀限定嘅好味醬油拉麵吸引咗
同友拉麵嘅套路相似 都係推出醬油為限定
相比之下神虎嘅呢碗感覺都好出色

醬油甘香 醬油味濃厚而清澈 非常易入口
就算食耐咗湯底降溫都唔會出現死鹹
黃色微卷偏細麵底 唔算太硬但煙韌有咬勁
有半隻調味相當嘅味玉
叉燒微鞋但味道十足 感覺似有用薑醃過
荀嘅口感爽口 唯獨荀味有點強烈

成日聽人講神虎擅長關西風格嘅拉麵
估唔到呢個東京風滿滿嘅醬油拉麵同樣出色
好食嘅 唔使講太多
下次過嚟試埋豚骨醬油拉麵